Psalms 23
Yoova, ye ŋginiiŋ toit
Mbouŋ to David1Yoova, ye ŋginiiŋ tiou poia. Irau nambool pa mbeb eta maau. a
2Ye igheghereb ghou nala pa kikiliiŋ popoia to ineep ya naliu dige.
Leso naghan, naghun ya luuma, ve ateg izi. b
3Ye igham tapirig ivot muul,
ve ipasaluŋgan ghou le nataghon ataam to deŋia ila mata.
Leso ipaghazoŋan iza tiina ivot ighazooŋ.
4Yoova, ighaze nalaagh ila ndug sapsapi to mateeŋ, ve ndoroom tiina ikau ghou, nene irau namatughez maau.
Pasa, yom uneep toman ghou.
You naghita ghom ukis ndaab tiom toman titi to upasaluŋgan sipsip pani, tovenen ateg izi.
5You nanim loom payom, ve upakur ghou kat.
Yom ugham ghanghaniiŋ tiina payou ila koiagŋa matadi.
Ve uliŋ ŋgoreeŋ izala dabag, ve ugham poian ghou kat.
6Onoon kat, sawa isob to naneep izi taan, yom lolom ineep tuŋia inim tiou, ve poia tiom izaza tiou itaghon saveeŋ mbuaaŋ tiom.
Rumai tiom pale inim inag to nepooŋ le irau sawa tiou isob.
Copyright information for
TUCO